Purchase bill ki photo se Tally entry banane ke liye Takkada mein Purchase register kholo, Import from PDF or photo dabao, aur bill ki photo lo ya supplier ki PDF chuno. Takkada bill se supplier, bill number, date, items, quantity, rate aur GST padh leta hai, aur aapke saamne purchase voucher ka draft rakh deta hai. Ab aapka kaam bas check karna hai. Pehle supplier match karo, phir bill ki line ko apne Tally stock item se jodo, phir voucher dekho aur Save Purchase Voucher dabao. Jab tak aap save nahi karte, kuch nahi banta, aur save ke baad entry Tally mein usi tarah jaati hai jaise app se banayi koi bhi entry. Photo, PDF, JPG ya PNG, 5 MB tak chalti hai, aur badi photo app khud chhoti kar deta hai. Ek supplier ka bill ek baar import ho gaya, toh agli baar uski lines ke items yaad rehte hain. Neeche poora tarika step by step diya hai.
Problem kya hai
Distributor ke paas din bhar supplier ke bill aate hain. Kuch PDF mein email pe, zyada tar WhatsApp pe photo ban ke, kuch maal ke saath kaagaz pe. Shaam ko accountant baith ke ek ek line Tally mein type karta hai: supplier, bill number, item, quantity, rate, GST. Ek bill mein 30 line ho toh aadha ghanta chala jata hai.
Galti bhi wahin hoti hai. Rate mein ek zero kam laga, ya 20mm ki jagah 25mm wala item chun liya, toh mahine ke end mein supplier ka ledger match nahi karta aur stock bhi gadbad dikhta hai.
Photo kaise le
Bill ko table pe seedha rakho, achhi roshni mein. Poora page frame mein aaye, neeche ka total bhi. Phone ko bill ke seedha upar pakdo. Agar photo dhundhli ya kati hui aayi, toh app bata deta hai, aur aap Try again kar sakte ho ya Enter it myself se khud bhar sakte ho.
Android phone pe WhatsApp se photo seedha Takkada mein share bhi kar sakte ho. iPhone pe photo gallery mein save karo aur Choose from gallery se chuno.
Teen screen, teen check
Match Supplier: Takkada supplier suggest karta hai, saath mein High, Medium ya Low confidence likha hota hai. Bill pe chhapa GSTIN mila lo. Galat ho toh naam ya GSTIN se search karo, ya naya supplier banao.
Map Line Items: bill ki line ko apne stock item se jodo. Jo line pichhle bill mein jodi thi, woh "Remembered from a past invoice" ke saath pehle se bhari aati hai. Unit agar Tally ki unit nahi hai, toh line pe dikhta hai, Edit item details mein theek kar lo.
Review Purchase Voucher: supplier invoice number, date, purchase ledger, voucher type, due terms, items aur extra charges dekho. Agar items ka jod bill ke total se alag hai, toh app dono number dikha ke bolta hai pehle check karo. Agar is supplier ka yahi bill number pehle se save hai, toh "A purchase invoice with this supplier reference already exists" aata hai aur save ka button band rehta hai.
Sab theek ho toh Save Purchase Voucher dabao.
Kya nahi badalta
Bill check aap hi karte ho. Takkada sirf typing ka kaam leta hai, faisla aapka rehta hai. Rate kabhi yaad nahi rakha jata, naye bill ka rate hi lagta hai.
Screens ki detail Import purchase from PDF page pe hai, aur poori guide purchase bills Tally mein import karne wale post mein.
Frequently Asked Questions
Q: Kya photo lete hi entry Tally mein chali jaati hai?
A: Nahi. Aap supplier aur items match karke voucher check karte ho, aur Save Purchase Voucher dabane ke baad hi entry banti hai.
Q: Dhundhli photo chalegi?
A: Dhundhli ya kati photo pe app bata deta hai, phir Try again ya Enter it myself. Saaf, poore page ki photo sabse achhi padhi jaati hai.
Q: Ek saath kai bill daal sakte hain?
A: Abhi ek baar mein ek bill import hota hai, aur us bill ka check alag hota hai.
Q: Kya Takkada pichhla rate yaad rakhta hai?
A: Nahi. Woh sirf yeh yaad rakhta hai ki supplier ki line kis item se judi thi. Rate naye bill se hi aata hai.
Ek bill bhej ke dekho
WhatsApp karo https://wa.me/919435977777 pe ek supplier bill ke saath, hum aapke Tally data pe import karke dikhayenge.