Customer khud order kaise bheje, iska aasaan tarika Takkada ka order link hai: aap apne customer ko WhatsApp par ek link bhejte ho, woh use phone ke browser mein kholta hai, aapke items mein search karke quantity daalta hai, aur Place order dabata hai. Na koi app download karni, na login. Order bhejte waqt woh sirf apna naam aur 10 digit ka mobile number daalta hai, aur chahe toh GST number aur ek note. Order aapke Customer orders inbox mein aakar rukta hai. Aap party confirm karte ho, quantity aur rate dekhte ho, aur Create order dabake Sales Order banate ho ya Create invoice se seedha bill. Tally mein wahi jaata hai jo aap banate ho, jab office ke computer par sync chalta hai. Customer kabhi rate nahi bhejta. Page par rate dikhe ya na dikhe, yeh aap tay karte ho.
Problem kya hai
Distributor ke paas 150 dukaanein hain aur aadhe order WhatsApp par aate hain. Kabhi voice note, "bhai woh chhota wala 10 carton bhej dena", kabhi diary ke panne ki photo. Subah office mein koi baith ke sunta hai, andaaza lagata hai ki "chhota wala" kaunsa item hai, aur Tally mein sales order type karta hai. Andaaza galat hua toh gaadi galat maal le jaati hai aur dopahar ko dukaandar ka phone aata hai.
Step 1: link banao
Takkada mein Settings, Order link kholo. Public business name aur apna WhatsApp number daalo. Prices customers see mein chuno ki customer ko kya dikhe: Tally rates, Last billed rate, Tally ki price level, apne khud ke rate, ya Don't show prices. Rate roz badalte hain toh Don't show prices rakho, customer sirf item chunega aur rate aap baad mein daaloge. Create link dabao, copy karo, aur apne customers ke WhatsApp group ya chat mein daal do.
Step 2: customer kya karta hai
Customer link kholta hai toh upar aapka business name dikhta hai aur search box. Woh "atta" ya item ke naam ke kuch akshar likhta hai, item aa jaata hai, saath mein unit bhi, jaise box ya kg. Quantity daalta hai, Your order mein list dekhta hai, phir apna naam aur mobile number daal ke Place order dabata hai. Usko Order sent ke saath order number milta hai, aur Tell the seller on WhatsApp ka button, jisse woh aapko order number ke saath WhatsApp message bhej sakta hai.
Usko aapka stock kabhi nahi dikhta. Agar aapka Tally stock sahi hai, toh Show items that are out of stock band kar do, zero ya minus wale items list se hat jaayenge.
Step 3: order check karo aur Tally mein bhejo
Home par Orders kholo, Customer orders mein naya order dikhega. Order kholo. App ne party match ki hai toh Yes, that is them dabao, warna khud party chuno. Lines mein Quantity, Rate (excl. GST) aur Disc % ke box hain, zarurat ho toh wahin badlo. Phir Create order ya Create invoice. Galat ya double order ho toh Reject karo, Tally mein kuch nahi jaata.
Poora tarika WhatsApp order link for distributors wale guide mein hai, aur screens order booking app for Tally page par.
Pakke customer ke liye personal link
Jo dukaan roz ya hafte mein order karti hai, usko party page se Share order link karke uska apna link bhejo. Woh link kholega toh "Ordering for" ke saath uska naam dikhega, naam aur GST nahi poocha jaayega, sirf mobile number confirm karna hoga. Order seedha usi party se match hoke aata hai. Iske liye Personal party links module chahiye, Order Link add-on ke upar.
Frequently Asked Questions
Q: Customer ko app download karni padegi?
A: Nahi. Link phone ke browser mein khulta hai. Login ya OTP nahi hai, sirf order bhejte waqt mobile number.
Q: Kya customer apna rate daal sakta hai?
A: Nahi. Page sirf item aur quantity bhejta hai. Rate aapke chune hue option se aata hai, aur approve karne se pehle aap badal sakte ho.
Q: Order apne aap Tally mein chala jaayega?
A: Nahi. Order inbox mein rukta hai. Aap Create order ya Create invoice dabate ho, tab woh Tally mein jaata hai jab sync chalta hai.
Q: Purana link band karna ho toh?
A: Settings, Order link mein Rotate dabao, purana link order lena band kar dega. Disable se link poori tarah band hota hai.
Pehla link aaj bhejo
WhatsApp par message karo https://wa.me/919435977777, hum aapke items par link set karne mein madad karenge.