Kis party ne payment ka promise toda, yeh ab mobile par dekh sakte ho: Takkada mein promise amount aur date ke saath likho, aur date nikalne ke baad agli subah ki daily brief mein Missed promises ke neeche woh party aa jati hai. Promise likhna aasaan hai. Collections ya Bills Receivable mein party pe tap karo, Mark followed-up dabao, batao kaise baat hui aur party ne kya kaha, phir Promise to pay mein amount aur date bharo. Date nikalne ke baad Takkada aapki Tally books mein us party ki receipts dekhta hai. Poora paisa aaya toh Promise kept, thoda aaya toh Part paid, kuch nahi aaya toh Promise missed. Agar Takkada mein Tally ka data abhi us date tak pahuncha nahi hai, toh promise Awaiting confirmation mein rehta hai, taaki kisi party ko galti se defaulter na bola jaye. Aapki Tally mein kuch nahi badalta. Neeche poora tarika diya hai.
Problem kya hai
Har distributor ke paas yeh roz hota hai. Salesman bolta hai "sir, medical wale ne bola hai Friday tak de denge". Accountant ne kisi aur party ko phone kiya, usne bola "agle hafte". Do hafte baad kisi ko yaad nahi ki kisne kya bola tha, kab tak bola tha, aur kitna bola tha.
Tally mein baaki amount dikhta hai, par promise ka koi khaana nahi hai. Promise diary mein likha jata hai ya kisi ke dimaag mein rehta hai. Diary wala aadmi chhutti pe gaya, toh promise bhi chhutti pe chala gaya.
Promise kaise likhe
Log follow-up sheet mein chaar cheezein hain. Pehle, kaise baat hui: Call, WhatsApp, In person ya Other. Phir, kya hua: Will pay, No answer, Wrong number, Disputes amount, Refused ya Other. Teesra, Promise to pay: Amount ₹ aur By date, dono bharne hain ya dono khaali chhodne hain. Aakhir mein, Next follow-up ki date aur ek Note, jaise "cheque salesman ke paas dega".
Sheet ke upar Already tried mein us party ki pichhli paanch entries dikhti hain, har ek pe likha hota hai kisne log ki. Matlab phone uthane se pehle pata chal jata hai ki aaj subah kisi aur ne baat ki thi ya nahi. Save follow-up + promise dabao, entry ho gayi. Network nahi hai toh bhi entry phone mein save ho jati hai aur network aane pe chali jati hai.
Toota promise kahan dikhta hai
Collect tab mein Recovery kholo. Sabse upar daily brief hai jo har subah banti hai. Usme paanch hisse hain: Promises due today, Follow-ups due, Missed promises, Awaiting confirmation aur Top overdue. Missed promises mein woh parties hain jinki promise date nikal gayi aur Tally mein us date tak koi receipt nahi aayi. Thoda paisa aaya ho toh woh Part paid hai, Missed nahi.
Share on WhatsApp button se yeh brief apne salesman group mein bhej sakte ho, taaki subah ki list sabke paas ho. Jis member ko sirf apni parties dikhti hain, uski brief mein bhi sirf uski parties aati hain.
Team ka hisaab
Team tab mein dikhta hai kitna paisa wapas aaya, kitna abhi baaki hai, kitne dealers pe kaam hua aur kitne promise poore hue. Neeche ek line hai, Nobody has chased, jisme woh overdue parties hain jinke liye kisi ne ek bhi follow-up nahi likha. History tab mein har party ka ek card hai, jisme uski sabse nayi entry, kitni entries hui aur khula promise dikhta hai. Card pe tap karo toh us party ki pichhli paanch entries khulti hain.
Roz ke yaad dilane wale message WhatsApp par Tally se payment reminder se ja sakte hain. Poora Recovery screen samajhne ke liye recovery dashboard for Tally wala guide padho.
Frequently Asked Questions
Q: Promise todne wali party turant dikhti hai kya?
A: Promise date nikalne ke baad jo agli daily brief banti hai, usme dikhti hai, bas Tally ka data us date tak Takkada mein aa chuka ho. Tab tak promise Awaiting confirmation mein rehta hai.
Q: Party ne aadha paisa diya toh?
A: Promise date tak Tally mein aayi receipts dekhi jati hain. Thoda aaya toh Part paid dikhta hai. Baaki ke liye naya promise likh do.
Q: Kya yeh Tally mein kuch likhta hai?
A: Nahi. Follow-up aur promise Takkada mein rehte hain. Tally ki receipts sirf promise check karne ke liye padhi jati hain.
Q: Salesman bhi promise likh sakta hai?
A: Haan, jis team member ko Recovery ka access hai woh apne phone se follow-up aur promise likh sakta hai. Jo entry woh likhta hai, us pe uska naam aata hai.
Baat karni hai?
WhatsApp karo https://wa.me/919435977777 pe, hum aapki Tally parties pe Recovery screen dikha denge.